Isla flotante (postre)
15 Diciembre, 2017
Tzáhal cierra pasos a Gaza ante crecientes ataques con cohetes
15 Diciembre, 2017
Mostrar todo

Los moalim de Curaçao

Generic selectors
Sólo coincidencias exactas
Buscar en los títulos
Buscar en los contenidos
Buscar en los mensajes
Buscar en las páginas
Filtrar por categorías
1665
1667
1679
1680
1683
1684
1685
1686
1687
1965
1987
1994
1995
1996
1997
1998
1999
2000
2001
2002
2003
2004
2005
2006
2007
2008
2009
2010
2011
2012
2013
2014
2015
2016
2017
2018
2019
2020
2021
2022
2023
2024
2025
2026
2027
2028
2029
2030
2031
2032
2033
2034
2035
2036
2037
2038
2039
2040
2041
2042
2043
2044
2045
2046
2047
2048
2049
2050
2051
2052
2053
2054
2055
2056
2057
2058
2059
2060
2061
2062
2063
2063 impreso
2064
2065
2066
2067
2068
2069
2070
2071
2072
2073
2073-A Solo Web
2074
2074-A Solo Web
2075
2076
2077
2078
2079
2079 Impreso
2080
2080 impreso
2081
2082
2083
2084
2085
2086
2087
2088
2089
2090
2091
2092
2093
2094
2095
2096
2097
2098
2099
2100
2101
2102
2103
2104
2105
2106
2107
2108
2109
2110
2111
2112
2113
Cartas
Destacados
Destacados Anteriores
Dossier
Dossier Anteriores
Ediciones Anteriores
Especial
Gastronomía
Información
Israel/Diáspora
Kehilá
Leer para creer
Magazine
Noticias
Opinión
Parashá
Raíces
Shivá
Uncategorized
Vida Religiosa
XL
XLI
XLII
XLIII
XLIIII
XXV
XXXIX
XXXV
XXXVI
XXXVII
XXXVIII

ESPECIAL

Los moalim de Curaçao

Mordehay Arbell

Y a es bien savido ke munchos de los konversos ke kedaron en Espanya i Portugal mantuvieron sus fidelidad al djudaizmo i munchos de eyos kontinuaron a observar los ritos i mandamientos de la relijion djudia, malgrado el peligro mortal ke los amenazava. Algunos de estos konversos ke reusheron a salir de la Peninsula Iberika i retornar al djudaizmo, se distingieron por sus saviduria i ekspertiza en aktividades ke les eran defendidas de antes.

Uvo un movimiento kontinual de emigrados konversos ke se kontinuo asta el siglo XX. Tratare aki solamente de los ke yegaron al kontinente amerikano onde pensavan ke podrian bivir libremente komo djudios.

Uno de los sentros en Amerika onde los konversos tornavan al djudaizmo era la izla de Curaçao, a la kuala yegavan de diversas partes del kontinente amerikano para azer sus Brit Mila (sirkunsizion). No es sorprendiente entonses ke en la segunda metad del siglo XVIII avia en Curaçao, en una komunidad ke kontava menos de 2000 almas, a lo menos siete personas ke azian sirkunsiziones, kon el titulo de Moel Muvhak. La razon era el arivo kontinual de konversos ke vinian para sus Brit Mila. El moel era una figura importante en la komunidad i jeneralmente el dava sus servisios debaldes, komo mitsva. Si avia gastes eyos eran pagados por la komunidad.

Los lideres relijiozos de los djudios de Curaçao tenian una aktitud espesiala enverso los konversos. Munchos de estos lideres eran eyos mizmos konversos ke tornaron al djudaizmo. El haham (rabi) Eliyau Lopez, ke nasio en Malaga en 1648, arivo de Amsterdam en 1693 para servir komo haham de los djudios de Curaçao. El haham Samuel Mendes de Sola nasio en Lisbon en 1699 i vino a Curaçao en 1741.

Los dos izieron todo sus posible para fasilitar el retorno al djudaizmo de los konversos ke yegavan a Curaçao. Sus numeros i nombres no eran publikados, espesialmente kuando se tratava de konversos ke tenian pozisiones en la iglesia katolika, ma ya se save djuntos kon esto ke entre los ke yegaron a Curaçao para rekonvertirsen al djudaizmo avia un prete katoliko, un padre fransiskano i un dominikano.

No se save el numero exakto de los konversos ke tornaron a ser djudios aun ke una idea es dada en los rejistros de algunos moalim ke fueron topados i estudiados por el haham Isaac Emmanuel de Curaçao. De estos rejistros sale ke:

- Entre 1705-1728 Mosseh Athias de Neyra izo el Brit Mila a 20 konversos.

Mas sirkunsiziones fueron echas, komo sige:

- Entre 1721-1730 Abraham Semah Aboab izo 19 sirkunsiziones

- Entre 1725-1728 David Nunez Carvallo izo 4 sirkunsiziones

- Entre 1725-1731 Isaac Semah Aboab izo 8 sirkunsiziones

- Entre 1730-1731 Mosseh Raphael de Veiga izo 5 sirkunsiziones

Entre los ke izieron sus sirkunsizion avia personas de mas de 70 anyos komo Ishac Henriques Fereira i Abraham Fernandes. ke tomaron el risko de esta operasion en tal de tornar yenamente al djudaizmo.

Estos son unos kuantos enshemplos solo de los kualos se puede ver ke el numero total devia ser bastante grande, konsiderando kualo uviera sido sus numero si teniamos los rejistros de todos los moalim durante un periodo de 150 anyos a lo menos.

Un grave insidente afito en 1718, kuando el konverso Abraham Campanal de Newport, Rhodes Island, murio despues de su sirkunsizion, probablamente de infeksion. Komo konsekuensa de esto no fue permetido a la komunidad djudia, durante un sierto periodo, de sirkunsir kristianos (los konversos eran konsiderados kristianos asta ke se rekonvertian ofisialmente al djudaizmo. Asta entonses los djudios podian sirkunsir konversos ke vinian de Espanya i Portugal).

Malgrado este insidente los konversos no se deskorajaron i eyos kontinuaron a arivar a Curaçao para sus sirkunsizion. La ultima sirkunsizion notada en el rejistro de un moel fue la de J. Fonseca ke arivo de Portugal en 1822.

Los djudios de Curaçao tenian relasiones komersiales kon las kolonias espanyolas en Amerika del Sud i del Sentro. Esto era konsiderado legal por los olandezes ma illegal por los espanyoles i, a vezes, naves ke sus patrones o ekipajes eran djudios eran aferradas por los espanyoles ke yevavan los djudios a Cartagena, Colombia, o a Espanya para ser djuzgados. Los ke avian nasido komo djudios podian ser areskavdados kontra pagamiento, jeneralmente por las komunidades de Gibraltar, Bayonne, Bordeaux, Amsterdam o Curaçao. De otra parte los konversos ke avian tornado al djudaizmo eran entregados a la Inkizision. Komo mizura preventiva, los marineros djudios konvensieron a los governadores ‘holandezes de Curaçao de darles sertifikados segun los kualos avrian nasido en Curaçao i no Espanya i Portugal. Los moalim de sus parte les davan dokumentos ke avian nasido komo djudios i avian sido sirkunsidos poko despues de sus nasimiento. Todo esto rende ainda mas difisil i komplikado el estudio ke permeteria de fiksar el numero de los ke tornaron al djudaizmo, ma el fakto es ke uvo un muvimiento kontinual de konversos ke, asta la metad del siglo XIX, partieron de Espanya i Portugal a diferentes partes del mundo para rekonvertirsen i uno de los sentros de su retorno al djudaizmo fue Curaçao.

Fuente: www.aki-yerushalayim.co.il

Deja un comentario

Tu dirección de correo electrónico no será publicada. Los campos obligatorios están marcados con *

demuestra que no eres un robot *

Close